كرسي الاعتراف 2

امال فين الاسئله يا شويه اعضاء ومديرين انا عاوز اجاوب

اوك وانا مش هحرمك من انك تجاوب قولي بقي يا سيدي وبكل صراحه
ايه اكتر حاجه بتحبها وايه اكتر حاجه بتكرها ؟
والفرق بينك وبين الانسانه اللي انت بتحبها قد ايه فرق السن يعني ؟
وايه هي امنيه حياتك الكبري ؟ وايه امنيه حياتك الصغري؟ وياريت تفهم السؤال ده
ومين اقرب حد ليك في حياتك ؟
وايه الحاجه اللي بتحبها في شخصيتك ؟
وايه الحاجه اللي مش بتحبها في شخصيتك وبتحاول تغيرها او تعدلها ؟
وانت بتشرب سجاير ولا لأ
ولو مش بتشرب عاملتها قبل كده وجربت وشربت سجاير ولو بتشرب اهلك عارفين ان انت بتدخن ولا بتشرب السجاير من وراهم ؟
وانت نفسك تدخل كليه ؟
وانت لو كنت بتحب حد والحد ده خانك هتسامحه ولا لأ ؟
ولو لو مثلا حبيت انسانه وسبتك وبعدين بعد فتره رجعت لك وقالت انها ندمانه هترجع لها تاني ولأ؟؟
جاوب بقي علي دول عقبال ما افكرك في حبه تانين

ايه اكتر حاجه بتحبها وايه اكتر حاجه بتكرها ؟
انا اكتر حاجه بحبها هى ربنا واكتر حاجه بكرها هى الكذب والنفاق
والفرق بينك وبين الانسانه اللي انت بتحبها قد ايه فرق السن يعني ؟
يعنى حوالى 4 سنين لكن الفرق مش فى السن وا العمر
وايه هي امنيه حياتك الكبري ؟ وايه امنيه حياتك الصغري؟ وياريت تفهم السؤال ده
امنيه حياتى الكبرى انى اتجوز الانسانه اللى انا بحبها والامنتيه الصغرىانى انجح السنه دى فى الدراسه
ومين اقرب حد ليك في حياتك ؟
ربنا طبعا
وايه الحاجه اللي بتحبها في شخصيتك ؟
الطيبه
وايه الحاجه اللي مش بتحبها في شخصيتك وبتحاول تغيرها او تعدلها
انى اصلى واتوب الى الله
وانت بتشرب سجاير ولا لأ
مش هجاوب على السؤال ده
ولو مش بتشرب عاملتها قبل كده وجربت وشربت سجاير ولو بتشرب اهلك عارفين ان انت بتدخن ولا بتشرب السجاير من وراهم ؟
مش هجاوب على السؤال ده
وانت نفسك تدخل كليه ؟
ان شاء الله الامل فى ربنا كبير
وانت لو كنت بتحب حد والحد ده خانك هتسامحه ولا لأ ؟

لا طبعا
ولو لو مثلا حبيت انسانه وسبتك وبعدين بعد فتره رجعت لك وقالت انها ندمانه هترجع لها تاني ولأ؟؟
اعرف الظروف اللى خليتها تسيبنى ولو ظروف مقنعه اانا مش عندى مانع

مدام قلت ع السؤال بتاع السجاير مش هتجاول يبقي انت بتشرب من ورا اهلك سجاير هههههههههههههههههههه
ما انت لو مش بتشرب كنت هتقول لأ مش بشرب دي اول حاجه
بعدين انت بتقول ان الفرق بينك وبين اللي انت بتحبها اربع سنين يعني عندها 13 سنه انت مش شايف انها صغيره اوووووووووووووووووووي علي انها تحب وبعدين دي كمان لسه مدخلتش سن المراهقه يعني لسه في تغيرات هتحصل لها وممكن مشاعرها متبقاش صادقه في السن ده
ودي حاجه غصب عنها ممممممممم مش عارفه بصراحه بس شكرا علي صراحتك يا my love
وياريت بقي تجاوب كمان ع السؤال ده
انت اسمك الحقيقي ايه ؟

عفوا يا مايا وانا اسمى الحقيقى محمد عبدالله

يا جماعه مين ع الكرسي دلوقتي ؟؟

انتى يا مايا اللى على الكرسى حاليا بقى استقبلى شويه

هي مين دي اللي عسل اوي يا مايا وايه براحه ع الواد دي
انا بس بقول رأي اهئ اهئ اهئ يا ظالمني

مايا انتى كام مرة حبيبتى
ومين اقرب واحد ليكى
وايه هو حلم حياتك

استقبلى منى الاسئله دى يا مايا



لو حد جالك فى المنتدى وقالك انه معجب بيكى انتى هتعملى ايه




انتى بتحبى مين من النجوم السينما



كم مره ذهبتى الى السينيما من وراء اهلك


كم مره شخص عاكسك فى الشراع او التليفون



انتى معجبه بحد فى المنتدى



او قلبك مال لحد فى المنتدى



لو معجبه ممكن نعرف هو مين





انتى ليه دخلتى منتدى زيدان



احكيلنا انتى دخلتى ازاى منتدى زيدان





انتى ليكى اصحاب



كم مره خرجتى مع ولد





واستنى بقيت الحصيله



كم مره هربتى من المدرسه




احكيلنا قصه حيا تك كامله



انتى ذكيه ام غبيه



ما هى طموحاتك

امتي قلتي لاء بصوت عالي و ازاي بتتعاملي مع القيود الي بتفرضها عليكي الحياه



ايه هيا احلامك فى المستقبل

ندي كتب:مايا انتى كام مرة حبيبتى
ومين اقرب واحد ليكى
وايه هو حلم حياتك

1-ولا مره حبيت الحب اللي هو حب بقي واللي يستاهل التضحيه وكده لأ ولا مره حبيت
2_ماما واختي لارا
3_اني احب حد بكل صدق وبكل قلبي واتجوزه وادخل كليه طب اسنان واني اكون عند حسن ظن اهلي وان ربنا يحبب فيا الناس وكلها ومحدش يكرهني واهم حاجه ودي في المقام الاول ان ربنا يكون راضي عندي
وشكرا ع الاسئله يا ندي

كل دي اسئلة يا my love

انا كمان يا مايا حلمي اني اكون دكتورة اسنان
بس اكون متخصصة في طب وجراحة وتقويم اكون دكتورة شاملة جميع مجلات الاسنان يارب اشوفك معايا في الجامعة ههههههههههه

انا موجوده والله كل يوم وهرد علي اسئلة my love حالا

استقبلى منى الاسئله دى يا مايا



لو حد جالك فى المنتدى وقالك انه معجب بيكى انتى هتعملى ايه
عادي يعني مش هعمل حاجه هعمل ايه يعني مش هرد عليه اصلا



انتى بتحبى مين من النجوم السينما
كتير اوي يعني من الناس القديمه بحب عبد الحليم وشاديه ورشدي اباظه واحمد مظهر و_-( أحـــــــــــمـــــــد )-_ رمزي وطبعا بمووووووووووت في حبيب قلبي عمر الشريف
من الناس الجديده بقي
احمد حلمي_احمد عز_ كريم عبد العزيز _احمد السعدني _احمد السقا _مني ذكي_غاده عادل _ياسمين عبد العزيز -هاني سلامه ومحمد رجب وناس كتير يعني بس بجد مش فكراهم يعني دول اللي فكراهم دلوقتي وشريف منير امممممممممم و_-( أحـــــــــــمـــــــد )-_ عزمي بس



كم مره ذهبتى الى السينيما من وراء اهلك
ولا مره حتي لما باجي اروحها مع اصحابي ماما وبابا بيبقوا عارفين


كم مره شخص عاكسك فى الشراع او التليفون
كتييييييييييير يعني اكيد مش هعدهم



انتى معجبه بحد فى المنتدى
لا


او قلبك مال لحد فى المنتدى
اممممممممممممممممم لا


لو معجبه ممكن نعرف هو مين

مفيش حد اصلا



انتى ليه دخلتى منتدى زيدان

عشان انا بحب محمد زيدان اصلا

احكيلنا انتى دخلتى ازاى منتدى زيدان
عادي كنت في مره بتصفح وكنت عايزه صور لمحمد زيدان فبحثت في الويب مش في الصور فلقيت كلمه اسأل زيدان ففضولي خلاني ادخل عجبني شكل المنتدي فسجلت فيه بس




انتى ليكى اصحاب
اه طبعا كتييييييير


كم مره خرجتى مع ولد

ولا مره لأني مش بحب النظام ده وبحس انه شغل عيال اما اقابل ولد من ورا اهلي



واستنى بقيت الحصيله



كم مره هربتى من المدرسه

مممممممممممم مش هروب بالمعني انا كنت محبوبه اوي من المديره والمدرسين فكنت اما بعوز اروح كنت بروح عادي مع اي مدرسه مروحه بدري عادي يعني كنت عايشه حياتي موووووت في المدرسه بس باحترام والكل كان بيحترمني عشان كده


احكيلنا قصه حيا تك كامله

صعب احكيها في سطرين ولا تلاته

انتى ذكيه ام غبيه

ممممممممممممممممم مش عارفه حسب كلام الناس ذكيه بس مش عارفه يعني انا مقدرش انا احكم علي نفسي انا ممكن اكون غبيه واكون شايفه نفسي ذكيه والعكس صحيح فا دي حاجه الناس اللي تحدتها مش انا

ما هى طموحاتك
اني ادخل كليه طب اسنان ان شاء الله وان احب بس شويه ك
ده لأني انا ورايا اهتمامات ومسؤليات مهمه مش لازم حاجه تعطلني عنها واتجوز اللي بحبه واخلف واربي اولادي احسن تربيه وان ربنا يرزقني بانسان محترم يحترمني ويحبني واحبه واحترمه ان شاء الله
امتي قلتي لاء بصوت عالي و ازاي بتتعاملي مع القيود الي بتفرضها عليكي الحياه
امتي قلت لأء كتير او ي قلتها في اي موقف ضايقني او ظالمني مش متعوده اسكت يعني
بتعامل مع القيود اللي بتفرضها عليا الحياه بتعامل معاها بالمواجه مش بهرب منها


ايه هيا احلامك فى المستقبل

احلامي هي طموحاتي وجاوبت عليها وميرسيه ع الاسئله الجميله الطويييييييله دي

ميرسيه يا شرقاوي علي ذوقك وبجد كلامك اسعدني جدا

بس فين اسئلتك انت يا شرقاوي ؟

اصلا انا مش بقتنع ان في صداقه بين ولد وبنت وانا مش هحلل حاجه ربنا حرمها
ولا انت ايه رأيك وبعدين يعني واحده متجوزه هتحتاج تصاحب ليه دي اولا خيانه وبعدين مفيش ست عاقله تعمل كده ولا راجل محترم يسيب مراته تصاحب وياريت تقولي رأيك
وميرسيه ع السؤال